紐事fruitful：紐西蘭國會佔領三周後被強行清場

同文博客

《同文》博客邀請香港人分享其見聞及故事，此欄文章的觀點均來自作者，並不代表本網立場，編輯部保留對所有稿件的篩選權利。

1933 年 2 月 27 日，德國國會發生火警，起因係議事大廳發生爆炸，引起國會內唔同地方都有火頭，時任總理希特拉和國會議長戈林極速到達現場，警方亦捉到嫌疑人，係個荷蘭共產黨員，希特拉和戈林隨即宣佈德國共產黨係幕後主腦，同時宣佈國家進入緊急狀態，簽署法令廢除總統嘅大部份權力。

3 月 1 日，政府宣佈共產黨意圖暴動，列其為非法組織，禁止其參加四日後嘅國會選舉，而選舉結果係希特拉嘅納粹黨繼續成為第一大黨，並得到第二大黨嘅支持，過半數，然後簽署授權法，取締所有非納粹黨組織，變成一言堂。

二戰後紐倫堡審判，有德國將軍供認，戈林曾經喺希特拉嘅生日派對上直言，「成個縱火案我最清楚，火係我放嘅」。

紐西蘭冇咁明刀明槍嘅離譜，自 2 月 7 日起嘅國會示威，佔領國會前地和堵路三星期，結束得相當簡單，都係放火，然後歸咎放火者，再大肆拘捕、清場。

其實由示威到佔領，由政府拒絕對話到佔領區自成社區生態，由佔領膠著到傳媒鋪天蓋地批評示威者，其實，成件事係 2014 年遠東國際都會雨傘運動嘅縮小版，不過涉及縱火、清場、總理歸咎異議者和議長打壓，實在好難唔令人想起 1933 年嘅納粹黨。

整個清場嘅劇本一啲都唔複雜，3 月 2 日早上，警方推進，佔領者頑抗，警方再施壓施放胡椒噴霧，佔領者火燒帳幕和投入雜物還擊，警方發射橡膠子彈，再拘捕過百人。如果你喺 2014 年 9 月 28 日喺遠東國際都會嘅立法會周圍出現過，就會覺得呢個場面一啲都唔陌生。

只不過，當年 689 市長仲會派後來嘅 777 市長同示威學生代表會面，而由頭到尾，總理阿德恩同志都冇偈傾，講明唔傾，完全不理。

清場之後，阿德恩同志光速開記者會，縱然有內閣部長確診，佢仍然一如以往冇遵守自己訂嘅規則，冇喺室內戴口罩。佢講啲咩？

The protest has been at times been violent and fuelled by misinformation and conspiracy theories.
And while many of us have seen that disinformation, and dismissed it as conspiracy theory, a small portion of our society have not only believed it, they have acted on it in an extreme and violent way.
It was an attack on our front-line police, it was an attack on our Parliament, it was an attack on our values.
There has been foreign influence in what we have seen. In terms of disinformation sourced out of other countries.
Our people will not be defined by a small handful of protesters.

一切係幾咁熟悉，熟悉到我以為自己仲住喺遠東國際都會，未移民嚟紐西蘭。阿德恩同志表達完自己「angry and disappointed」之後，佢最精彩嘅發言，亦係佢自以為最動人嘅部份如下：

In fact, when we look back at this period in our history, I hope we remember one thing: Together, thousands more lives were saved over the past two years by your actions as New Zealanders than were on the front lawn of Parliament today.

動之以情？

佢係咪講笑講到自己信以為真？

是誰在一開始逼人打針，唔打就冇左份工？

是誰逼人打針，唔打針就只可以留在家，邊度都唔使去？

呢種強制又係咩紐西蘭價值觀？

到有國民示威，總理置若罔聞，令自己民望弱智，有問題唔解決，最終演變成更大嘅問題和衝突，係邊個嘅責任？

係平民嘅責任，定係執政者嘅責任？

外國勢力？喺邊度？

法庭已經判左強制打針係違法，但政府仍未取消強制，又係邊個責任？

仲要厚面皮講過去兩年救左好多人命，咁不如講下過去兩年冇打針嘅醫護幾咁勞苦功高，到要打針，佢地唔打就炒，提出質疑就取消資格，而呢兩年，政府冇增加任何醫療資源。過去兩周確診日日新高，天天過萬（紐西蘭只係一個人口 500 萬嘅國家，面積大過英國），防疫措施卻愈放愈寬，出入境政策三個月改三次，即係其實當初所有強制根本就係多餘。

可惜，呢啲問題，記者會上冇一個記者提出。

最尾一句，就真係深得以群眾鬥群眾嘅精粹，果然係社會主義國際青年團前主席。是你教會我們，和平示威真的沒有用。

如果你去睇下國會議長 Trevor Mallard 嘅 FB，清場後佢出 post 話終於還首都人一個安全嘅環境，下面嘅留言一片讚好，感謝政府英明神武，毫無反對聲音，你就明白，佢啲秘書今日應該好忙於刪留言。

奧克蘭博物館、SkyTower、Eden Park Stadium 和海港大橋呢幾日紛紛投射烏克蘭國旗，遠方之外嘅新興民主國度在覆亡之際，紐西蘭國內嘅民主，卻隨住執政者對異議者嘅無視和打壓，更趨向一言堂。