突然爆發的俄烏戰爭引起世界關注，眼見脆弱的和平一戳即破，似乎任何地方都可以成為下一個戰場。有居英港人近日就舉辦了民事防衛訓練班，希望吸引英國港人以至身處各地的香港人參加，學習基本的武器知識和戰場上救人的技巧，在戰亂中可以保護身邊人之餘，也可像烏克蘭人一樣有能力反抗。
籌辦今次活動的港人 Mike 已經五十多歲，八十年代到英國升學並定居當地。Mike 表示，自己並非軍事迷，但三年前看到反送中運動，發覺港人在過去多年的英國統治下，變得缺乏反抗能力，「軍訓冇人做、政府唔畀你學呢啲嘢。香港人應該好似臺灣或者其他地方咁，有班人識得用武器，唔一定作為抗爭，但起碼保護自己」。
香港最後一個強制兵役年代，已要數到冷戰時期的 1961 年，隨後港人可自薦參加皇家香港軍團（義勇軍）。到主權移交後，中國解放軍駐兵香港，基本上已無香港軍人。
Mike 最後決定帶隊到保加利亞，參加由當地保安公司舉辦的民事防衛訓練班，課程內容包括基本手槍、步槍的應用、戰場上的醫療急救技巧，甚至游擊戰理論等，課程由前英軍特種部隊教授。
Mike 指，選擇遠赴東歐搞訓練班，主要是考慮到當地法規和安全。他強調今次活動完全合法，「呢啲活動喺歐洲好普遍，好多國家都有啲所謂 civil defense training，好多仲係政府畀。佢哋覺得國民係應該有權利，識得點樣用武器」。
有網民對他訓練班的安全性提出質疑，指保加利亞和中國有引渡條例，在 2018 年更曾引渡過中國公民回國受審。Mike 則認為，港人在保加利亞被引渡「機會好微」，「保加利亞係歐盟成員，對引渡條例好嚴，唔係講兩下就引渡咗你返去……歐盟對中國態度好強硬」。
去年 11 月，Mike 已經舉辦了第一團訓練班，但最終只有三名歐洲港人參加。不過受俄烏戰爭爆發影響，他指今年四月的第二團訓練班已有十多人報名。「烏克蘭係一個好好嘅例子。好多歐洲國家個意識都係咁，當你個國家被侵犯，全民皆兵，（受過訓練）到時咪唔使再做 training囉。」
上週在當地人帶領下，Mike 曾短暫到過烏克蘭，見證當地全民皆兵的狀態，「（平民）個個都有自己角色，細路仔同女人整網、整 Molotov cocktail（汽油彈）、整阻礙坦克前進嘅十字鐵架」。他表示，保加利亞的訓練學校近日亦有為前往烏克蘭做自願軍的人提供訓練，他帶隊的訓練班內容類近，相信在戰場也有一定作用。
