中共極權政治蔓延香港，香港實施港區國安法後，大批港人遷離香港，掀起一輪移民潮。劇作家哈維爾在其著作《無權勢者的力量》中，提出「在謊言充斥的世界，真相就是一種威脅；在黑暗之中，磊落真誠地生活就是反抗」。有一班香港人於今年初成立「溫哥華手足」（VAHK），決心繼續為香港民主自由發聲。
「溫哥華手足」月班底最初由 10 多人組成，大部份是剛移居或回流港人。在港出生的 May （化名）年幼移民到加拿大，長大後回流香港，直至今年初再回流溫哥華。他回來時發現，一些在地有歷史、關注民主議題的組織在回應香港情況時，行動上有顧忌，「我覺得有好多日子、行動，我哋可以 take 嘅，所以建立咗呢個會，自己想點做就點做，就唔洗靠人哋囉，專心關注返香港事情」。
另一成員 Andy （化名）在港土生土長，大半年前移居溫哥華，在某活動上認識其他香港人，「傾計知道有啲新嚟嘅香港人，係溫哥華呢邊想繼續（抗爭），想話畀呢度啲人知香港發生嘅事，所以創咗呢個 group ，係一班手足想為香港做啲事」。
「溫哥華手足」成立之初，碰上俄羅斯入侵烏克蘭，活生生地上演極權國家的專橫。因此，他們當時舉辦集會聲援烏克蘭。 Andy 說，「當時香港人關注俄羅斯入侵烏克蘭，呢件好大件事，極權（主義）國家欺壓其他國家」。他們認為有責任為弱勢發聲，事實上亦知道他們行動不會有實際影響，「但每次我哋出去行動，烏克蘭人都會同我哋講聲多謝」，也正如 2019 年其他國家人民為香港人發聲。
May 說，香港和烏克蘭經歷同類事情，認為有責任發聲支持烏克蘭人，「係一個共同體，畀人欺壓經歷」。加上，身處有言論和表達自由的加拿大，「企出嚟發聲，畀香港人見到我哋，我哋收到好多唔同香港人信息，話我哋喺香港做唔到嘅嘢，好開心見到你哋做到，感覺精神上得到支持」。
除了擺街站、舉行集會活動，「溫哥華手足」亦曾舉辦團練、瑜珈班等，成員 Ant （化名）說，因大家都在異地重新開始，希望有一個平台凝聚同路人和強身健體。 May 說，不只關注同路人身體健康，還有心理健康需要關注，「尤其香港啱啱過嚟，佢唔係識好多人」。他分享在團練裏認識一名性格內向的 14 歲小孩，其家庭背景複雜，「第一次見到佢，幾乎聽唔到佢講嘢、好害羞」。經過團練一段時間相處，「三個幾四個禮拜，佢依家係 open up （打開心扉）咗好多，講嘢大聲咗好多，有自信，當我哋係家人」。
有另一個手足來溫哥華時，因不懂表達自己而經常飲酒吸毒，但經團練認識他們，最後積極做運動，不再沉迷壞習慣，「同我哋 socialize （社交），我覺得呢樣嘢令我好感動，認為我哋個方向係啱」， 然而令手足精神上有意義是「溫哥華手足」成立其中一個目的。
港區國安法影響無遠弗屆，三人雖身處海外，但他們不諱言憂被中共盯上，遭秋後算帳。因反送中運動而回流的 Ant 說，「驚㗎，正常嘅我會擔心，但去到依家無得怕囉。（唔怕嘅原因？）回想起三年前 6 月份，嗰時已死咗好多人，之後學生畀警察打，好多都細過我，係咪要同佢哋講我怕，佢哋犧牲咗，所以我（想）做到贏為止」﹐長遠希望達到政治能力，直到港共政權被推翻。他指，自己初心是為了香港，又舉例八九六四，當年多名學生死傷，中共多年來希望世人遺忘，惟世界上身處不同地方的香港人仍未放棄，每年繼續悼念六四死難者。「國安法就係要你驚，但點解係加拿大仲要驚，唔想帶恐慌出嚟」， Ant 說，希望大家不要遺忘﹐「我哋唔係香港，唔好受到恐懼，做好自己」。
Andy 則打從心底說：「好驚，其實岩岩嚟出席活動，唔知道要咁 black bloc （黑色服装），以為自由去表達，唔洗再咁遮遮掩掩」。後來發現中共滲透全世界非常嚴重，若沒有保護自己其實都好危險，頓時心情沉重，「原來我離開咗個地獄，呢個地方都唔係好得去邊咋喎，所以你問我驚唔驚，我都驚架，我一個人過嚟，但屋企人朋友仲係香港，仲渴望唔知幾年後仲可以返下去」。
同時，她認為自己有一份責任，「成日覺得英國、加拿大推出 HK Pathway 畀年青人，係因為 2019 年手足一齊抗爭，令到人哋畀呢條後路我哋」。若有機會離開香港，希望可以做一些在香港做不到的事。因為香港在 2019 年後，尤其實施港區國安法後無力感好重，她說：「都唔知可以做啲咩啦，乜嘢都好驚，著件黑衫、戴個黃口罩出街都畀人 check （搜查），都好緊張」。她很慶幸有機會來到自由的加拿大生活，「自由搞街站、講國安法，好慶幸我可以嚟到做呢樣嘢，因為唔係必然，有好多香港手足依家係監獄到，或者未審已經坐緊，而我咁幸運走到出嚟，離開香港，咁所以覺得好有責任企出嚟」。
本身擁有加籍的 May 稱認識很多手足，認為自己成本比他們少，「我有 citizen （加國公民身份），但我見佢地有啲甚至無 PR ，但佢地真係好勇、好 passion （熱情），用佢哋時間、 physically （親身） 企出嚟，做好多為香港發聲嘅嘢，其實係好感動，令我更有 motivate （動力）去為香港」。他呼籲世人不要遺忘，「 中共就係想刪除掩蓋佢哋嘅惡行，我哋就係唔畀佢呢樣嘢，我哋唔會忘記，邊度有香港人，邊度就係香港，我哋要繼續延續，繼續 educate （教育），唔係淨係香港人，本地嘅人都要知道中共嘅醜惡，所有獨權罪行要有爆佢出嚟，唔好驚佢，呢個就係贏，咁樣開始贏，要有個 awareness education （意識教育）」。
