三年前，居於溫哥華的 Fontane 與很多海外港人一樣，日夜追看直播，關注運動事態發展。同時，經營手作網店 itchyichi 的她，有日收到來自香港客人的訂單，於是設計一款 6.12 日曆手繪布袋，圖中畫了一隻「連登豬」，配上「宜」和「忌」。產品至今一直有售，亦設計成杯墊款式，在上月舉辦的香港人市集中全部售罄，是記憶與遺忘的抗爭之中拒絕遺忘。
Fontane 於 2014 年移民加拿大，「經歷咗雨傘（運動），嗰時過嚟特登 delete 咗《蘋果》app，因為好唔開心，睇親啲新聞都好嬲」，自始再沒有留意香港新聞。直到 2019 年發生反送中運動，很多人在社交媒體不斷分享和轉發消息，令她日夜追看新聞直播，了解事件發生來龍去脈，「我又忍唔住 dowload 返（《蘋果》app）要追返啲新聞」。
在運動期間，有香港熟客向 Fontane 下單，希望設計一款 6.12 布袋，「佢話想做一個 6.12 嘅嘢，咁大家都知道 6.12 發生咗咩事，我諗全香港人都會記得⋯⋯係（香港）政府同我哋講唔亂用武力，最後佢哋講大話，連記者都射，市民又打，覺得好失望同好嬲」。在構思設計時，她靈機一觸參考傳統手撕日曆，「記得嗰年係豬年，所以將連豬擺埋係日曆」，旁邊寫上「宜罷工、抗爭、報仇、發聲；忌吃喝玩樂、返工、返學、搭黨鐵」。
袋上圖案全由人手繪畫，「真跡係畫係帆布上面，要花好多時間」，客人收到成品後十分滿意。她後來用電腦將圖案掃描，打印後用人手將圖案熨上布，除了布袋，還設計成杯墊。對於身處自由國家的她不擔心作品會被極權盯上，「我喺一個咁自由嘅國家，唔係都要管我做嘢呀？（驚唔驚畀人標籤或者話煽動？）我覺得唔應該，如果有人講啲咁嘅嘢，唔洗理佢，因為我喺加拿大」。反而問客人在港使用該布袋會否怕有風險，豈料對方霸氣回應「唔畀咩？我生日嚟㗎喎」。
Fontane 上月在香港人市集擺檔，出售 6.12 主題產品及香港懷舊杯墊，包括霓虹燈、飛行棋、舊式階磚等花紋圖案，結果全部售罄，其後有客人即場預購。回想市集當日，她遇到不少剛來的港人，「覺得好開心，有人讚話杯墊好靚呀」。臨完場執拾時，有人喊口號，然後全場都一齊喊，令她十分感動，「我一直都好渴望有一個香港主題嘅市集，呢度（過去）有德國人、日本人市集，就係冇香港人市集，依家真係成真啦」。7 月初，她亦會在列治文（Richmond）一個迷你香港人市集內擺檔。
她於 2013 年創立 itchyichi，主打香港懷舊特色手繪袋。店名中「itchy」是指「手痕」，「ichi」是日文「第一」的意思，加起來是「手作第一」。至於 itchyichi 的標誌是一盞「雞蛋燈」，「細個跟工人姐姐去街市買餸，成日周圍望，見到街市啲（紅色）燈，覺得好靚」，由她設計的第一個香港懷舊系列是一個街市燈的布袋。80 後的她坦言，鍾情 80 年代起的香港，「因為樣樣嘢都好有色彩，無論係衫、街上招牌設計，全部都好有心機去做，依家出去睇衫樣樣都一式一樣，手工又唔係好多，好悶，我想做返啲獨一無二嘅嘢，保留住香港靚嘅色彩」。
自小喜歡畫畫和美術的她，成長路上並未有跟從自己意願修讀設計，「個個都話讀設計冇用㗎，賺唔到錢，所以畀人講咗去讀酒店」，畢業後做過酒店、髮型屋等，但始終感覺不是自己喜歡。直至 21、22 歲那年，「由細到大都鍾意 DIY，有次爸爸話有條牛仔褲唔要，覺得咁嘥，於是剪咗褲後面兩個褲袋，用針線聯成一個散子袋，聯咗 5 至 6 個鐘，聯針聯到手都痛」，笑說當時只是單憑中學上針黹堂的記憶。成品雖然沒有再保留，但此後決心買衣車打開縫紉手作之路，「之後愈買愈大部，愈買愈專業」。她現時工作室是家中一間小房間，麻雀雖小，但五臟俱全，所有作品都全憑一部二手專業衣車，一針一線製作出來。
未有受過專業訓練的她，憑天生獨有觸覺和美感，創作出一件又一件手作藝術品。除了鍾情香港懷舊設計，她亦熱愛日本文化，會設計和服風外套，「真係好鍾意日本，香港人都鍾意日本」。她說，未來設計會以懷舊香港為主，以及一向受歡迎的拼布袋，至於其他有關反送中運動主題手作，則仍在構思之中，「我唔想人哋覺得我食人血饅頭」，但會一直售賣 6.12 產品。
在溫哥華生活了 8 年的 Fontane 說，itchyichi 一直是其副業，「發現呢度客群同香港好唔同，加拿大人西化啲，著重耐性同實用性，啲嘢爛咗先換，唔似香港人貪新鮮，鍾意成日換款，轉頭又買個袋」。隨著近年多了港人移加，其 Instagram 帳戶亦增加不少香港人追蹤。她笑說，希望他日可以全職投入 itchyichi，惟現時收入暫時未能支撐生活，「我有另一份工作，係工廠度車嘢，佢哋教識我好多嘢」。
因上一段感情而移民到溫哥華的她，兩年前因政見與對方分開。她說，那些年過得很不快樂，原本在港有很多朋友，但移加後因另一半影響，令其生活圈子變得好狹窄，沒有擴闊圈子和認識新朋友。她今年加入一個香港人群組，「好感動，原來我唔係冇朋友，係我冇踏出嗰步識朋友，依家好忙呀，以前就成日好得閒，係度望天打掛」。她寄語，打算或剛來加的港人心態好重要，「身邊嘅人影響得你好重要， 如果佢樣樣嘢都唔 support（支持）你，樣樣嘢都話你唔啱，係邊度生活都會覺得難」。在結束上一段感情打算回港的她，緣份讓她與現任男友相遇，並重新展開新生活，「語言、生活唔緊要，另一半支持很重要」。
